ម្ដាយ និងកូនប្រុស ត្រូវសមត្ថកិច្ចចាប់ឃាត់ខ្លួនពីបទចែកចាយគ្រឿងញៀនខុសច្បាប់នៅស្រុកមណ្ឌលសីមា
21-May-2018 | ដោយ ពលមនសិការ
កោះកុង ៖ មុខសញ្ញជាជួញដូរគ្រឿងញៀនពីរនាក់ម្ដាយ និងកូនប្រុស ត្រូវសមត្ថកិច្ចការិយាល័យប្រឆាំងគ្រឿងញៀនខេត្តកោះកុង ចាប់ដាក់ខ្នោះទាំងពីរនាក់តែម្ដង។
លោកឧត្តមសេនីយ៍ត្រី មីន រស្មី ដែលដឹកនាំកម្លាំងចុះទៅធ្វើការបង្ក្រាបនោះ បានឲ្យដឹងថា ពីរនាក់ម្ដាយនិងកូនខាងលើ ត្រូវបានឃាត់ខ្លួន កាលពីម៉ោង១និង៣០នាទីថ្ងៃទី២០ ខែឧសភា ឆ្នាំ ២០១៨ នៅចំណុចភូមិចាំយាម ឃុំប៉ាក់ខ្លង ស្រុកមណ្ឌលសីមា ខេត្តកោះកុង។
លោកឧត្តមសេនីយ៍ត្រី មីន រស្មី បានបន្តថា ជនសង្ស័យ ទី១-ឈ្មោះ ម៉ែន វល្លី ភេទប្រុស អាយុ២០ឆ្នាំ មុខរបរកម្មកររោងចក្រ មានទីលំនៅបច្ចុប្បន្ន ភូមិ-ឃុំកើតហេតុ (ត្រូវជាកូន)។ ទី២-ឈ្មោះ ឡាំ សុលី ភេទស្រី អាយុ៣៦ឆ្នាំ មានមុខរបរលក់ដូរ មានទីលំនៅបច្ចុប្បន្ន ភូមិ-ឃុំកើតហេតុ (ត្រូវជាម្តាយ)។
ក្រោយឃាត់ខ្លួនសមត្ថកិច្ច បានដកហូតវត្ថុតាង ៖ ម្សៅក្រាមពណ៌សថ្លាសង្ស័យជាសារធាតុញៀន ចំនួន១១កញ្ចប់តូច និងសម្ភារៈសម្រាប់វេចខ្ចប់គ្រឿងញៀនមួយចំនួន។
បច្ចុប្បន្នជនសង្ស័យទាំងពីរ ត្រូវបានកម្លាំងជំនាញកំពុងសាកសួរ និងកសាងសំណុំរឿងបញ្ជូនទៅកាន់សាលាដំបូងខេត្ត ដើម្បីចាត់ការតាមនីតិវិធីច្បាប់៕
ចំនួនអ្នកទស្សនា
- ថ្ងៃនេះ6681
- ម្សិលមិញ9421
- សប្តាហ៍នេះ62341
- ខែនេះ177491
- ឆ្នាំនេះ177491
- សរុប20619947